Foredrag: Ein sommar med Nedreaas og Inger Hagerup
Onsdag 18. februar kl. 19:00
Knarvik bibliotek

I dette foredraget tek Grethe Fatima Syéd oss med inn i liva og forfattarskapa til to av våre sterkaste kvinnelege stemmer i norsk litteraturhistorie. Kva hadde Torborg Nedreaas og Inger Hagerup til felles – og kva skilde dei?

Nedreaas og Hagerup arbeidde i ulike sjangrar: Nedreaas med romanar og noveller, Hagerup med dikt, barnebøker og minne. Likevel var dei i utkanten av kvarandre sine sirklar, som føregangskvinner i mannsdominerte miljø. Dei var begge sterke stemmer i si tid og politisk engasjerte. Det blir sagt at dei til og med var kvarandre sine yndlingsfiendar.

Korleis står desse forfattarskapa seg i dag? Og kvifor er det verdt å lesa dei på nytt?

Om føredragshaldaren

Grethe Fatima Syéd er litteraturvitar, forfattar og ein svært erfaren formidlar. Ho har doktorgrad på Olav Duuns forfattarskap og har skrive ei rekkje essay, artiklar og bøker innan både skjønnlitteratur og sakprosa.

I 2019 tok Grethe Fatima Syéd den populære franske Ein sommar med-serien til Noreg, med «Ein sommar med Nedreaas». Boka fekk stor merksemd og har vorte formidla til publikum over heile landet.

I 2025 kom oppfølgjaren, «Ein sommar med Inger Hagerup», om livet til Inger Hagerup.