Obs! I kulturprogrammet har det tidlegare stått feil forestilling (Gullfuglen). Det er denne framsyninga som blir spela.

At Askeladden finn rare ting og er på veg til kongsgarden for å målbinda ei prinsesse, veit alle som kjenner Asbjørnsen og Moes eventyr. Når Askeladden møter Trollet på Hedalsskogen, dei tre Bukkene Bruse, finn fela til Veslefrikk og ei gammal kjerring som har sett fast nasen sin i stubben, - då blir det eventyrleg spennande og moro!

Sentralt i framsyninga står den store eventyrboka ”Det var en gang”. Askeladden bruker boka som vegvisar og oppslagsverk på den spennande ferda si. Gjennom møte med fleire kjende eventyrskikkelsar og med litt hjelp frå barna blir det snipp snapp snute!

Framsyninga varer i ca 30.min, og passar godt for barn i aldren mellom 3 og 100 år.