Bridge på biblioteket i Knarvik

Kjekt å spela kort- No kan du spela bridge på dagtid i Knarvik!

Er du nysgjerrig på bridge eller glad i å spela kort? No har du høve til å møtast for eit sosialt og spennande spel kvar torsdag kl. 11-13 på Knarvik bibliotek. Nytt meiropen inngangen på baksida av biblioteket.

Her kan du treffa andre i hyggjelege omgivnader, læra noko nytt, og halda hjernen aktiv – noko som er viktig, uansett alder!

Kva er bridge?
Bridge er eit strategisk kortspel som blir spelt med fire spelarar, der ein speler på lag to og to. Det handlar om samarbeid, taktikk og god kommunikasjon med makkeren sin. Spelet passar for både nybyrjarar og erfarne spelarar. Du treng berre lyst til å læra og utforska noko nytt!

Praktisk informasjon:
Det er gratis å bli med, og me byr på lett servering
Når: Torsdagar kl. 11-13
Kor: Knarvik bibliotek-nytt meiropen inngongen på baksiden
Biblioteket opnar ikkje før kl. 14 denne dagen, men det er moleg å komma inn bak biblioteket via meiropen inngongen. Ta kontakt med oss i skranken om du lurar på noko.

Ingen forkunnskapar er nødvendig – berre kom som du er! Initiativet kjem frå Strileknekten, som vanlegvis speler bridge på "Gymnaset" kvar tysdag. No ønskjer dei å spreia gleda ved bridgespeling til endå fleire, og inviterer alle til å delta på det nye tilbodet i biblioteket.