Arrangement på biblioteket

Alver bibliotek har ulike arrangement for store og små på ulike stader. Arrangementa vert publisert på nettsidene. Dei fleste arrangementa er utan påmelding og då er det berre til å møte opp ved programstart. Det står om det er påmelding.

Biblioteket har arrangement både i og utanom opningstid og me ber difor om at andre besøkande tek omsyn til det.

Har du innspel til arrangement, så ta kontakt med programansvarleg.

Om du tilhøyrer eit lag eller ein organisasjon og ynskjer og ha eit arrangement på biblioteket, så ta kontakt med oss.

Biblioteket kan hjelpe til med å arrangere arrangement, opprigging og nedrigging, marknadsføring av arrangementet, plakatar og deling i sosiale medium. Om de ynskjer at biblioteket skal delta med noko på scena i Knarvik, så er det også mogeleg. Ta kontakt med programansvarleg på biblioteket.

Scena på biblioteket i Knarvik kan nyttast til arrangement som fremjar opplysning, utdanning, kulturell verksemd og arrangement som fremjar biblioteket som uavhengig møteplass og arena for offentleg samtale. Avdelingsleiaren for Alver bibliotek er kontaktpunkt og redaktør viss biblioteket skal brukast til offentleg samtale og debatt. Arrangementa på scena må vere gratis og opne for alle.