Har du sett brannvernutstillinga på biblioteket? Knarvik bibliotek har no ei fantastisk brannvernsutstilling laga av elevar frå skulane i området!

Kvart år lærer elevane om brannvern gjennom undervisning frå Nordhordland og Gulen Interkommunale brannførebyggjande – og etterpå får dei bruke kreativiteten sin til å formidle det dei har lært. Brannvernutstillinga står fram til 26. februar på Knarvik bibliotek, på barneavdelinga og ved scena.

brannutstilling

brannstasjon

brannstasjon

brannbil

brannutstilling2

brannbamse

brannutstilling3

I haust har NGIB (Nordhordland og Gulen interkommunale brannførebyggjande avdeling) vore på besøk hjå 6 trinn i alle samarbeidskommunane, Alver, Austrheim, Fedje, Gulen, Masfjorden, Modalen og Solund.

Tilsaman har om lag 500 elevar fått brannvernundervisning. Dette opplegget har vi halde på med sidan 2000, altså vi har halde på i 25 år.

Undervisninga varar i om lag 3 timar og inneheld ein teori del om kva brann er, korleis vi kan unngå at brann oppstår og korleis vi kan førebu oss i tilfelle det oppstår ein brann. Undervisninga har og ein praktisk del, der elevane får prøve eit brannslokkingsapparat (skumapparat) til å slokke ein kontrollert brann.

Etter undervisninga kan klassen delta i ein konkurranse. Oppgåva er å lage ein kreativ ting som handlar om det dei har lært om brannvern.

Kvart år får vi inn mellom 15-20 bidrag. Blant kriteria bidraga vert vurdert etter er: kreativitet, handlar om brannvern og det dei har lært, undervisninga og at det er utført som eit klasseprosjekt.

Premien er ein draumedag på brannstasjonen med ulike postar som «røykdykking», spyle med brannslange, HLR og hundepatrulje. Både ambulansen, politi og kriminalomsorgen er med å gjer draumedagen komplett. Etter ein pizzalunsj vert elevane frakta med buss til VilVite i Bergen. På VilVite får dei utforske på eigenhand, samt eit vitenskapsshow med elementa som skal til for å lage brann.

Vi har plass til ca 60 elevar – så storleiken på klassane som vinn, avgjer kor mange klassar som vinn. I år er det 6. trinn frå skulane Matre, Årås og Leiknes som vann.

Bilde er i frå praktisk øving.

brannøvelse

brannøvelse