Fram til og med torsdag 26.mars kan du ta turen innom Knarvik bibliotek og utfordre dine evne til å sjekke fakta, kunnskap om algoritmar, finne underliggande bodskapar og avsløre bilete.

Kven er avsendar og kva agenda har vedkomande?
Kva er sann informasjon?
Korleis sann og usann informasjonen påverkar oss til å gjere gode og dårlege val?

Dagens informasjonssamfunn kan vere innfløkt, og vi får mykje informasjon frå ulike kjelder. Denne utstillinga er med på å gjere oss meir medvitne om kva som møter oss, og kor viktig det er å vere kritisk, og å ha gode rutine for å sjekke kjeldene våre.

Ta med deg ei brikke som ligg ved stasjonane, og bruk den i brikkelesaren på dei ulike stasjonane, og få eit innblikk i utfordringane informasjonssamfunnet gir oss. Denne utstillinga passer for ungdom, unge vaksne, vaksne og eldre. Når du har fullført alle fire stasjonane får du eit resultat. Det fortel deg noko om du er naiv og godtruande, eller om du er grundig, undersøkjande og nøyaktig.