Kvinnen og tiden – kvinner som forma etterkrigstidaI samband med kvinnedagen 8. mars har vi sett opp ei lita utstilling om tidsskriftet Kvinnen og tiden (1945–1955) og kvinnene bak bladet.

Tidsskriftet vart starta rett etter krigen av Henriette Bie Lorentzen, Kirsten Hansteen og Eva Rønnow, og var ei vidareføring av det illegale motstandsbladet Kvinnefronten. Her møttest nokre av dei viktigaste kvinnestemmene i etterkrigstida – mellom andre Aaslaug Aasland, Margarete Bonnevie, Inger Hagerup, Åse Gruda Skard, Halldis Moren Vesaas, Nic Waal og Eva Kolstad.

I utstillinga kan du sjå originale tidsskrift og bøker knytte til redaksjonen og medarbeidarane. Materialet er ikkje til utlån, men du er velkomen til å bla, lese og utforske det her i biblioteket.
Ta gjerne ein tur innom og bli kjent med kvinnene som var med på å forme debatten om arbeid, politikk, kultur og likestilling i etterkrigstidas Noreg.