Biblioteket er eit offentleg rom og felles eigedom skal skal vere til glede og nytte for alle. Lokala er gratis å låne for organisasjonar og frivillige i Alver kommune og for andre ikkje-kommersielle føremål. Desse satsane gjeld for alle utanom organisasjonar og frivillige.

Tidspunkt for utlån

Møterommet kan lånast i ordinær opningstid når personalet er på jobb eller i meirope tid når biblioteket er ubemanna. Ved lån i meirope tid skal biblioteket ha ein kontaktperson som er over 18 år og som har eit lånekort med tilgang til meirope bibliotek.

Ved bruk i meirope tid er kontaktperson ansvarleg for å sleppe deltakarar inn og sørgje for at alle forlèt biblioteket etter møtet.

Meirope tilgong kan du få hjå personalet i skranken i opningstid.

Bestilling av lokale

Fyll ut dette kontaktskjemaet, viss du ynskjer å bestille møterommet.

I skjemaet skriv du når du ynskjer å ha møterommet i tillegg til informasjon om kontaktperson, telefonnummer, e-post og organisasjon. Biblioteket treng denne informasjonen for å sende stadfesting på bestillinga.

Kontaktpersonen er ansvarleg for bruk av rommet, for deltakarane under møtet og i meiropetid at lokalet blir forlat etter møte.

Lurar du på om møterommet på Frekhaug er ledig? Klikk her for å sjå.

Utstyr

Utstyr som er tilgjengeleg på møterommet:

• Skjerm med HDMI kabel
• Kamera og høgtalar (ein kan ha t.d. ha digitalt møte eller ha presentasjon med lyd)
• Flipboard
• 2 møtebord og ca 10 stolar

Lokalet skal ryddast etter bruk og forlatast i same stand som ein ønskjer å møte det. Søppel skal kastast, og større avfall må takast med.

Det er mogeleg for lag- og organisasjonar å låne kjøkkenet til biblioteket for å lage kaffe/te til møter. Dette må avtalast på førehand. Ein treng nøkkel til kjøkkenet, så den må hentast på biblioteket.

Samarbeid om arrangement

Biblioteket kan hjelpe til med å arrangere arrangemenet, opprigging og nedrigging, marknadsføring av arrangementet, plakatar og deling i sosiale medium. Ta kontakt med programansvarleg på biblioteket.

Biblioteket samarbeider helst om arrangement som blir gjennomførte i biblioteket si ordinære opningstid.

Har du innspel til arrangement, så ta kontakt med programansvarleg.

Arrangement i bibliotekets fellesareal

Bibliotekets fellesareal kan nyttast av lag og organisasjonar til arrangement utanom ordinær opningstid. Denne informasjonen gjeld berre arrangement i fellesarealet, ikkje booking av møterom.

Arrangement skal vere gratis og opne for alle. Eigene prisar gjeld dersom arrangementet føreset heilt eller delvis stenging av biblioteket sitt meirope-tilbod. Dette må avklarast på førehand.

Arrangementa er ikkje samarbeid med biblioteket. Biblioteket har likevel bibliotekfagleg ansvar og redaktørrolle. For offentleg samtale og debatt er einingsleiar for Alver bibliotek redaktør og kontaktpunkt.

Det skal vere ein kontaktperson over 18 år. Kontaktpersonen er fullt ansvarleg for arrangementet, deltakarane og tryggleiken i lokalet. Biblioteket har ikkje ansvar under arrangementet.

Arrangementet må vere annonsert på biblioteket sine nettsider og med plakat i lokala. Dette er ein føresetnad for å få låne lokalet, slik at andre brukarar kan planleggje bruk av biblioteket i meirope tid.

Lokalet har maks kapasitet på 40 publikum.

Ved bruk av biblioteket sitt lydutstyr er opplæring obligatorisk. Arrangør kan bruke eige utstyr utan opplæring.

Kontaktperson er ansvarleg for tilgang via meirope og for at alle forlèt lokalet etter endt arrangement, eller loggar seg inn på meirope.