Utleige av lokale på biblioteket i Knarvik

Biblioteket er eit offentleg rom og felles eigedom skal skal vere til glede og nytte for alle. Lokala er gratis å låne for organisasjonar og frivillige i Alver kommune og for andre ikkje-kommersielle føremål. Desse satsane gjeld for alle utanom organisasjonar og frivillige.

Tidspunkt for utlån

Møterommet og scena kan lånast i ordinær opningstid når personalet er på jobb eller i meirope tid når biblioteket er ubemanna. Ved lån i meirope tid skal biblioteket ha ein kontaktperson som er over 18 år og som har eit lånekort med tilgang til meirope bibliotek.

Bestilling av lokale

Viss du ynskjer å bestille enten møterommet eller scena, fyll ut dette kontaktskjemaet. I skjemaet skriv du når du ynskjer å ha møterommet/scena i tillegg til informasjon om kontaktperson, telefonnummer, e-post og organisasjon. Biblioteket treng denne informasjonen for å sende stadfesting på bestillinga. Lurar du på om møterommet i Knarvik er ledig? Klikk her for å sjå.

Utstyr

Det er ulike typar utstyr på dei ulike romma.

Møterommet

Utstyr som er tilgjengeleg på møterommet:

• Smartboard med overgang til PC og HDMI kabel
• Kamera og høgtalar (ein kan ha t.d. ha digitalt møte eller ha presentasjon med lyd)
• Flipboard
• 6 møtebord og ca 20 stolar

Scena

Utstyr som er tilgjengeleg på scena:

• Prosjektor og lerret med tilhøyrande kablar
• Miksar med trådlause mikrofonar
• Mikrofon SM58 med stativ og XLR kabel
• El-piano med krakk
• Notestativ
• Scenelys

Ein kan koble pc til projektor og få lyd over høgtalaranlegget.

Scena

Scena på biblioteket kan nyttast til arrangement som fremjar opplysning, utdanning, kulturell verksemd og arrangement som fremjar biblioteket som uavhengig møteplass og arena for offentleg samtale. Avdelingsleiaren for Alver bibliotek er kontaktpunkt og redaktør viss biblioteket skal brukast til offentleg samtale og debatt. Arrangementa på scena må vere gratis og opne for alle.

Samarbeid om arrangement

Biblioteket kan hjelpe til med å arrangere arrangemennet, opprigging og nedrigging, marknadsføring av arrangementet, plakatar og deling i sosiale medium. Om de ynskjer at biblioteket skal delta med noko på scena, så er det også mogeleg. Ta kontakt med programansvarleg på biblioteket.

Har du innspel til arrangement, så ta kontakt med programansvarleg.