Foredrag «Vestlandsfjordene» med Espen A. Jacobsen

Foredrag «Vestlandsfjordene – verdas vakraste reisemål» med Espen A. Jacobsen

Torsdag 22. mai kl. 18:00, Knarvik bibliotek

I samband med Friluftslivets år 2025 inviterer Alver bibliotek til eit inspirerande foredrag med Espen A. Jacobsen – forfattar, fotograf og fjord-entusiast.

Med utgangspunkt i boka «Vestlandsfjordene – verdens vakreste reisemål» tek Jacobsen oss med på ei reise gjennom spektakulære landskap, frå ville fossar og stupbratte fjellsider til lune laguner, historiske bygder og ukjende perler. Dette er ei hyllest til det unike Vestlandet – til både kjende klassikarar og bortgøymde skattar.

Jacobsen er kjent for sine levande, humoristiske foredrag – alltid krydra med fantastiske bilete og gode forteljingar. Kanskje blir du inspirert til å leggja den neste turen nærare heime?

Foredraget passar for alle som er glade i natur, historie, kultur – og ein god tur!

Som forfattar og fotograf står Espen A. Jacobsen bak ei rekke bøker om dei eineståande opplevingane som ventar oss langs kysten og ved fjordane i Noreg. Espen A. Jacobsen har i tillegg til boka "Vestlandsfjordene" også skrive boka " Kystferie i Norge – fra Bergen til Kirkenes". Han har også bidratt som fotograf til ei rekke andre bøker.

Velkomen til ein kveld med reiselyst og fjordglede!