Forfattarsamtale m/ Erlend Kaasa & konsert Personalportalen

Forfattarsamtale med Erlend Kaasa og konsert med Personalportalen

Måndag 5. mai kl. 19:00 Manger bibliotek

Velkomen til ein stemningsfull kveld på Manger bibliotek når forfattar Erlend Kaasa kjem for å snakke om si rykande ferske novellesamling (44) og bandet hans Personalportalen spele for oss! Dette vil du ikkje gå glipp av!

Kaasa, som er opphavleg frå Vinje og bur i Arna i Bergen, har tidlegare gitt ut romanane «Thunder Road», «Livius» og «Men ikkje Maria». Med boka (44) gir han oss åtte sterke noveller om menneske i førtiåra – på kanten av noko nytt, eller kanskje fanga i gamle mønster.

Her møter vi livsvisdom og livskriser, små og store val, lukketreff, tap og håp. Med både varme og alvor skriv Kaasa fram karakterar som kjenner på korleis tida pregar dei – fysisk, mentalt og i relasjonane sine.

Det blir samtale om boka og forfattarskapet, høgtlesing og konsert med Erlend sitt band Personalportalen. Personalportalen, eit Fylkeskommunal boybandcountry. Bandet består av: Rune Haukedal på trommer, Eivind Kvamme på el-gitar og bass, Thomas Nøkling på bass og saxofon, og Erlend Kaasa på vokal og gitar. Alle bandmedlemmene har bakgrunn frå Hordaland fylkeskommune.

Enkel servering. Arrangementet er gratis. Velkommen.