Forfattarsamtale med Tormod Haugland

Vår lokale og eminente forfattar frå Bøvågen på Radøy har gjort det! Han har skrive ei bok som vart kåra til lyttarane sin romanpris på statskanalen P2. Romanen «Sirenene» er Tormod si sist utkomne bok.

I alt har denne produktive forfattaren gjeve ut minst 19 bøker.

Tormod Haugland (f. 1962) debuterte med romanen Under i 1994, og har sidan gjeve ut romanar, noveller, dikt og dramatikk. Han har hausta strålande kritikkar for romanane, Om dyr og syn (2017), Om søvn og mørke (2019) og Om livet på jorda (2021). I 2021 var Tormod Haugland årets festspeldiktar ved Dei Litterære Festspela i Bergen. I 2024 utkom romanen Sirenene.

Denne kvelden, under nynorskdagane i Alver kommune, vil de møta Tormod i samtale med bibliotekar Silje Namtvedt. Me håpar mange vil ta turen til Manger bibliotek denne kvelden!

I tillegg til ein god samtale, vert det enkel servering.