Korleis kan vi stansa & reversera naturtapet i Nordhordland?

Velkomen til foredrag og samtale om naturen vår. Naturvernforbundet i Nordhordland inviterer til ein kveld med fokus på arealplanlegging og naturtap i regionen.

Korleis kan vi ta vare på naturen – og kva skal til for å rette opp skadane som alt er gjort?

Denne kvelden får du høyre innlegg frå både Naturvernforbundet, Statsforvaltaren og ordførarane i kommunane våre, før det vert open samtale med spørsmål og innspel frå publikum.

Program:
- Innleiing ved Jan Nordø, leiar i Naturvernforbundet Nordhordland
- Kva er viktig natur i Nordhordland? ved Stein Byrkjeland, fagdirektør hos Statsforvaltaren
- Eikanger/Eidsnes og Øksnesmarka – to døme på forfeila arealplanlegging ved Jo-Harald Færø og Jan Nordø
- Kva gjer kommunane i arealplanlegginga?
Alver kommune: ordførar Nina Bognøy og rådgjevar Marte Hagen Eriksrud
Austrheim kommune: ordførar Morten Sognnes og plansjef Asbjørn Toft
Fedje kommune: ordførar Stian Herøy og kommunalsjef Rolf Raknes

Etter programmet blir det innlegg og spørsmål frå publikum.