Nynorsk topptur med Arnfinn Kolerud

Forfattaren Arnfinn Kolerud har gått «all in» i språkdebatten med dei tre romanane "Når ein først skal skyte nokon", "Kom ikkje inn i mitt hus" og "Gamle menn i syningom". Handlinga går føre seg i den aller siste nynorske landsbyen, i ei tid der bokmål og engelsk vinn fram på alle frontar.

Bendik Uføre og dei andre nynorskingane utfører likevel dristige aksjonar inne i bokmåls-områda, for at språket deira skal overleve og ein gong i framtida nå nye høgder.

Foredraget varar i 45 små minutt, før det gjerne går over i eit ordskifte om språk og uspråk.

Vel møtt til eit morosamt og lærerikt foredrag!

Lett servering vert det òg.