Havlandet : folk og landskap i ytre Nordfjord

Boka presenterer den dramatiske randsona mellom hav og land like sør for Stad, og syner korleis folk der lever. Gjennom fotografi og små portrett får lesaren eit nært og levande bilete av folk og landskap på ein makelaus del av Norskekysten. Her er menneske som har mista nære slektningar på havet, og menneske som har levd godt på det havet har å gi. Boka tek til i Kalvåg på Bremangerlandet, stoppar ved Nordfjorden, i Måløy og elles på Vågsøya, kryssar Sildegapet til Selje før det endar ytst på Stad, halvøya som er som ein knytneve mot storhavet. Boka har rundt 230 fotografi i fargar som syner den storslåtte naturen og dei kontrastrike stadene i storm og stille. Asbjørn Tyssen er journalist og forfattar og arbeider i NRK. Fotograf: Thomas Bickhardt. Nyn.