Han tok det kresne hovudstadspublikumet med storm - med gjøgleri, felespell og eit frodig strile-nynorsk. Den skjeløygde revyartisten selde plater og samla folk i hopetal. Men livet tok ei anna vending enn Ivar Medaas hadde tenkt. Artistlivet førte til mykje fråvære frå familien, han opplevde økonomiske vanskar, og eit hjerneslag gjorde han til pleiepasient før han fylte 60. Dessutan var det alkoholproblema. Kona Kari var den som stod med Ivar på scenen, og det var ho som heldt liv og familie saman. Både ho og borna, vener og artistar fortel her om Ivar på godt og vondt. Forfattaren opptrådde sjølv saman med Ivar på 60-talet, med gjøgleri og song. Rikt illustrert. Ib., 2000. (Forhåndsomtale)
