Kompisen lengtar

Olivia skal reise bort. Kompisen får ikkje vere med. Det blir så einsamt. Kompisen klarer ikkje leike, han klarer ikkje ete, han klarer ikkje å sove. Kompisen klarer berre å lengte. Kan hende det ikkje er så farleg å lengte. For når ein har noko å lengte etter, er ein jo aldri heilt einsam. Dette er andre boka om Kompisen, ein liten bamse med store kjensler, og Olivia, som er mennesket hans. Forteljinga er humoristisk om eit kompisforhold med gleder og utfordringar. Illustrasjonane fortel meir enn teksten. Biletbok for førskolebarn/småskoletrinnet.